Plantun de Prouvènço

Pèr coumpara dos planto d'encò nostre

Oenothera pycnocarpa & Euphorbia stricta

Rougeto(-di-gros-fru)

Oenothera pycnocarpa

Onagraceae

Autre noum : Erbo-dis-ase.

Nom en français : Onagre au fruits épais.

Descripcioun :
Aquest Oenothera èi lou mai grand, que pòu faire mai de 2 mètre d'aut. Flouris tre la fin de juliet e fai pas, pèr lou gènre, de flour forço grando. Li fueio soun en formo de lanço e di proun noumbrouso proche l'inflourejado. Li sepalo soun peludo (fotò).

Usanço :
La rougeto nous vèn d'Americo dóu Nord. Se manjon, li racino (cuecho), li fueio (coume d'espinard), li flour (en ensalado) emai peréu li grano que dounon d'òli richo en oumega-3. Li racino de rougeto soun vertuouso contro lou mau de vèntre.

Port : Grando erbo
Taio : 0,8 à 2,5 m
Fueio : óupousado
Tipe bioulougico : Emicriptoufite
Cicle bioulougico : Renadivo mounoucarpico

Gènre : Oenothera
Famiho : Onagraceae

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ - Mar - Sablo
Estànci : Mesoumediterran à Coulinen
Couroulougi : Óurigino Americo-Nord
Ref. sc. : Oenothera pycnocarpa G.F.Atk. & Bartlett, 1913

Lachusclo(-redo)

Euphorbia stricta

Euphorbiaceae

Nom en français : Euphorbe raide.

Descripcioun :
La lachusclo-redo es uno planto de l'an di proun raro au nostre que trachis pulèu dins lou cèntre de l'Éuropo. Ei primo, quàsi sènso péu emé de fueio qu'embrasson la cambo, mai pas gaire. Li brout (oumbello) an de 3 à 4(5) rai. Coumpara emé la lachusclo-di-fueio-plato o la lachusclo-berrugouso que ié sèmblon proun.

Usanço :
Coume tóuti lis meno d'Euphorbia, la lachusclo-redo es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco.